Premi Friûl 2013:
bant
Ce isal il Premi Friûl?
Di passe 30 agns l’obietîf dal Premi Friûl al è chel di produsi oparis origjinâls che a àn chê di rignuvî e sperimentâ la forme cjançon in lenghe furlane e ta chês altris lenghis minorizadis dal Friûl. Il concors al è viert a ducj, autôrs singui e grups, ai diviers gjenars musicâi e aes lôr contaminazions.
Cemût partecipâ
Par partecipâ, ogni grup o autôr singul al à di presentâ, dentri dai 15 di Jugn dal 2013, la regjistrazion di un toc inedit. Il toc al va mandât in formât mp3 ae direzion premifriul@ondefurlane.eu o pûr si pues spedîlu intune buste sierade a: Radio Onde Furlane, Vie Volturno, 29 – 33100 Udin.
Adun cul toc, i partecipants a àn di presentâ il test scrit (edit o inedit) e la schede compilade che si cjate sul sît www.ondefurlane.eu. Il materiâl presentât nol sarà tornât indaûr.
Selezion dai finaliscj
La organizazion e sielzarà i partecipants ae fase semifinâl tra i grups plui votâts de jurie e su internet. I semifinaliscj a saran invidâts a sunâ par un spetacul di 15/20 minûts in ocasion di 4 events inmaneâts sul teritori (Muçane, Comelians, Cormons, Cjasarse).
Cemût votâ
I tocs in concors si podaran scoltâ su la pagjine www.soundcloud.com/premifriul e votâ su www.ondefurlane.eu
Ce si vincial?
I vincidôrs des semifinâls a sunaran intal Novembar dal 2013 al teatri Palamostre di Udin dulà che la jurie e sielzarà un vincidôr. Cui che al vinç al podarà regjistrâ e publicâ un cd produsût de etichete Musiche Furlane Fuarte (pai tescj publicâts sul cd e sarà doprade la grafie uficiâl de lenghe furlane).
Par informazions
Si pues telefonâ al 0432 530614
o scrivi a premifriul@ondefurlane.eu
-------------
Nessun commento:
Posta un commento