la Agjenzie Regjonâl pe Lenghe Furlane e à il plasê di invidâUs ae seconde edizion di SUNS il Festival de cjançon in lenghe di minorance che si davuelzarà sabide ai 28 di Avost dal 2010 aes 21.00, in place S. Jacum a Udin, dentri dal program di Udinestate (se al plûf l’apontament al è al Teatri Palamostre, simpri a Udin).
La manifestazion, organizade in colaborazion cu la Provincie di Udin, Comun di Udin, la cooperative Il Campo e Radio Onde Furlane, e fâs part dal circuit musicâl che al zire ator dal Liet International, il festival european di riferiment par chel che al inten la musiche in in lenghe di minorance.
I partecipants de edizion 2010 a saran 9 in rapresentance di 8 minorancis diviersis, ma ancje di gjenars musicâi difarents, a dimostrazion di trop vivarose che e je la produzion artistiche tes lenghis mancul pandudis. I finaliscj selezionâts a son:
- Bališ (rock par sloven de Carinzie)
- Bentesoi electro-dub de Sardegne)
- Ganes (tercet feminin soul-pop ladin)
- Lou Seriol (folk-punk par ocitan)
- R.Esistence in Dub (Reggae-Dub dal Friûl)
- Pantan (Rock par furlan)
- Pascal Gamboni (cjantautôr dal cjanton dai Grisons)
- Shardana (Metal par sart) che a sunaran pe prime volte fûr de isule
- Stephane Casalta (Cjançon di autôr de Corsiche)
I grups a laran sul palc sabide ai 28 di Avost dal 2010, tacant des 21.00, in Place S. Jacum tal cûr di Udin, ma za de sere prin a je in program une esibizion dal vîf li dal cine Visionario in vie Asquini a Udin.
I doi vincidôrs de serade, sielts un de jurie internazionâl e chel altri dal public (sedi di chel presint in place, sedi di chel che al cjalarà SUNS sul in streaming dal sît www.ondefurlane.eu, o che lu scoltarà su lis frecuencis di Radio Onde Furlane), a parteciparan ae finâl dal Liet International che si davuelzarà a Lorient in Bretagne tal mês di Novembar dal 2010.
Special guest di SUNS 2010 al sarà il pianist furlan Glauco Venier, che al sunarà intun conciert in solo. Venier al rivarà sul palc di SUNS diretementri di Parîs, dulà che al sunarà al Olympia, il storic teatri dal 9° arrondisement fondât tal 1888, ancjemò vuê la plui antighe music hall parigjine in ativitât. La sô presince, ven a stâi, e je pardabon un regâl preseôs che al contribuìs a insiorâ il Festival ancjemò di plui.
In zonte il volantin e il manifest de serade.
Par cualsisei domande e/o informazion, clamaitmi al 347/8483039 begin_of_the_skype_highlighting 347/8483039 end_of_the_skype_highlighting.
P.S. Fasêt publicitât al event!
Nessun commento:
Posta un commento