domenica 17 novembre 2013

LENGHE FURLANE - SCUELE E AUTONOMIE.




LENGHE FURLANE

SCUELE E AUTONOMIE


chi di nô lis scuelis fasino
ad in plen ce che a varessin di fâ?

.......................

Sino speciâi
o sino dome cocâi?

SCUELE E AUTONOMIE. LA SPECIALITÂT DE REGJON NO SI DIFINT A PERAULIS, SI LE MET IN VORE CUI FATS

EURO FURLAN

La svearine e torne a sunâ: rivarìno a dismovisi? Cheste considerazion e diven de gnove saltade fûr tai ultins dîs de sopression dal Ufici Scolastic Regjonâl (USR) pal Friûl-VJ.

La decision fate indenant de bande dal Ministeri de Istruzion di fâ un USR unic a Vignesie che al vedi competencis sei sul Venit che su la nestre regjon e jere tal aiar za di timp. Cumò si le viôt scrite, neri su blanc, dentri dal stampon dal Decret dal President dal Consei dai Ministris che al tocje la riorganizazion dai uficis ministeriâi.
Daûr di une tradizion consolidade i tais a tocjin dome la periferie e no ancje i uficis centrâi e al ven avonde facil berlâ cuintri dal «centralismo romano», soredut tes sôs cuincis plui resintis là che prassi e ideologjie si platin daûr de sante scugne di sparagnâ e des etichetis de «spending review» e de «razionalizazion».

I politics di chenti – tra Regjon e Ents locâi– a àn fat sintî la lôr vôs. Lu à fat la Zonte regjonâl, lu àn fat conseîrs regjonâi di ducj i colôrs e no àn mancjât di vierzi bocje ancje chei altris specialiscj tes declarazions altitonantis. Si son zontâts ancje i sindicâts, segnalant diviers pericui: si pierdin puescj di vore tal setôr de istruzion, la scuele di chenti e funzionarà piês e i coscj, invezit di calâ, a cressaran ancjemò. Ducj cuancj, dentri e fûr dai palaçs, a àn marcât  soredut une robe, ven a dî che chest al è un atac ae autonomie speciâl de nestre Regjon.

Chest argoment di fonde e ancje chês altris preocupazions che a son stadis pandudis a àn mani, a son justis e salacor sacris e santis.

Cun dut achel a saltin fûr altris domandis in cont des scuelis e de specialitât regjonâl: chi di nô lis scuelis fasino ad in plen ce che a varessin di fâ? E ce robe ise cheste specialitât? Cemût ise? A ce coventie? Par fâ ce?

Cjalant in muse la realtât, si cjatin rispuestis che no son tant bielis, ni in cont di scuelis e USR ni par ce che al tocje la autonomie de Regjon e la maniere che cheste e ven doprade.

Al è fintremai cui che al pense che nol è un mâl che nol sedi un ben, stant che no je diference tra Vignesie e Triest e che il gnûf ufici interregjonâl si clamarès dome «Veneto e Friuli».

La cuistion e je plui serie e la situazion des lenghis minoritariis e di chê furlane in particolâr te scuelis le sclarìs ad in plen. Su chest cantin, tai ultins agns, dutun cui sorestants regjonâi di prime e cun chei di cumò che no si àn ancjemò mots, l'USR nol à fat nuie e il Plan par fâ jentrâ il furlan tes scuelis, za clopadiç par so cont, nol è mai jentrât in vore.

Cussì, plui che difindi la autonomie regjonâl al covente metile in vore. Plui che difindi l'USR al covente contindi al Stât la competence primarie su la istruzion parcè che a une regjon speciâl e covente une scuele speciâl.

La Regjon e varès di movisi in cheste direzion, cemût che al à dit ancje cualchi conseîr regjonâl. Si movaraie? O sino dome cocâi speciâi?

…………………

Pag. 6 anno III N° 199
venerdì 15 novembre 2013

“IL QUOTIDIANO del FVG”



Rubrica di “EURO FURLAN”

............

2 commenti:

  1. "È arrivato il sospirato passo indietro da parte del Ministero: il Friuli Venezia Giulia riconquista l’Ufficio scolastico regionale, anche se perde il direttore. La notizia è ancora ufficiosa, ma con tutta probabilità, dopo la rivoluzione targata Miur, Daniela Beltrame si ritroverà a guidare l’Usr del Veneto, mentre in regione arriverà un dirigente cosiddetto di seconda fascia (in altre parole, meno costoso).

    Infatti, il pressing bipartisan sul ministro Maria Chiara Carrozza ha avuto il merito di stralciare la bozza di Decreto del presidente del consiglio dei ministri (Dpcm), ma l’esigenza di razionalizzare resta.

    Dopo le proteste, tutte le regioni manterranno il proprio Usr, ma il direttore sarà assegnato in base alla popolazione. E il Friuli Venezia Giulia, con il suo milione e 200 mila abitanti scarsi, non potrà mantenere l’attuale status. La ratifica delle novità arriverà soltanto lunedì. Ma i sindacati preparano già le bottiglie da stappare (...)"
    15 novembre 2013

    http://messaggeroveneto.gelocal.it/cronaca/2013/11/15/news/roma-salva-l-ufficio-scolastico-regionale-1.8119525

    -------------

    RispondiElimina
  2. Quando la Regione chiederà la competenza sul comparto "istruzione" ? Fino a quando le circolari del MIUR troveranno applicazione, spesso restrittiva, anche nella nostra regione, una regione che trae la sua specialità nella presenza delle Minoranze linguistiche friulanofone, slovenofone, e germiniche? Minoranze sulle quali l'Istituto scolastico regionale non può continuare ad avere competenza...

    RispondiElimina