Università del Friuli
e minoranze linguistiche
riconosciute e tutelate
(…) Ricordiamo che la legge di Agosto 1977 (legge sulla ricostruzione del Friuli ed istitutiva dell'università autonoma), all’art. 26, assegna all’Università di Udine (cambiando la denominazione originale che era Università del Friuli!), unico caso nello Stato italiano, oltre ai tradizionali compiti di ricerca e di didattica che sono quelli di tutte le università italiane, quello specifico di diventare anche strumento di promozione dello sviluppo economico e culturale del Friuli e di rinnovamento dei filoni tradizionali della storia, della lingua e della cultura (…)
Comitât 482
----------------
Dal sito internet
del Comitato 482
Ai 8 di Mai si varà il prin turni eletorâl par sielzi il gnûf retôr de Universitât di Udin.
Trê i candidâts che si son fats indenant: Alberto Felice De Toni, za preside de facoltât di inzegnarie; Paolo Pascolo, professôr di bioinzegnarie; e Leonardo Sechi, proretôr e professôr di medisine interne.
Pe sô funzion centrâl inte formazion, ma massime pal fat di jessi nassude de mobilitazion dal popul furlan, la Universitât di Udin e varès di jessi un dai cûrs e dai cjâfs de politiche linguistiche pal furlan, ma ancje pal sloven e pal todesc che si fevelin inte nestre tiere. Magari cussì no, fale cualchi ecezion singule, fin cumò nol è stât cussì.
Al è duncje impuartant savê ce che a pensin in proposit i candidâts retôrs.
Il Comitât 482, cemût che al à fat pes elezions regjonâls, al à metût adun un document cun diviersis domandis / propuestis che al è stât consegnât ai trê candidâts.
Fin cumò, l'unic candidât che al à rispuindût al è stât Paolo Pascolo e lis sôs rispuestis a van inte direzion che o volaressin che la Universitât furlane e cjapàs. Viodìn alore ce che i eletôrs de Universitât a decidaran.
Intal spazi dai coments cualchi element plui in detai.
Publicât di Comitât 482 - il 7 di Mai 2013
------------
Nessun commento:
Posta un commento