MOSTRE DAL CINE
un festival
che no si à di mancjâ
23 - 26 November 2011
li dal Visionario di Udin
la jentrade e je libare
discjame il program
scarica il programma
E tache miercus ai 23 di Novembar, li dal Visionario di Udin, la Mostre dal Cine, il festival dal cine european intes lenghis minoritariis.
La manifestazion e presentarà 22 films che a vegnin de Catalogne, de Galizie, dal Paîs Basc, de Frisie, de Sardegne, de Jamalie-Nenetsie e naturalmentri dal Friûl.
I films furlans a saran: At di dolôr di Alberto Fasulo, Farcadice, diari di viaç: Il Friûl in Italie di Carlo Della Vedova e Luca Peresson, Ce robe ise la felicità? di Tommaso Pecile, Alessandro di Pauli e Tomas Marcuzzi e L’ultin desideri di Michele Urtamonti. Ma dongje di chescj films o varìn ancje une serie di fûr programs a sorprese.
De Catalogne a rivaran doi luncmetraç ultrapremiâts: Pa negre di Agustì Villaronga (nomenât par un Oscar) e La mosquitera di Agustì Vila. Il Paîs Basc al sarà rapresentât cuntun film a pene vignût fûr, Arriya-La piedra di Alberto Gorritiberea. La Galizie e sarà presinte cuntune comedie nere intitulade O bonito crime do carabineiro; la Nenetsie cun Pudana e la Frisie cun De ein fan ‘e wrâld. Dome par citâ cualchi opare.
E a compagnâ lis proiezions a saran regjiscj e atôrs che si podaran viodi a sintî intant dai incuintris organizâts dal festival.
La Mostre dal Cine si davuelzarà dai 23 ai 26 di Novembar li dal Visionario di Udin e la jentrade e je libare.
Par dutis lis informazions consultait il sît
In chê ocasion al vignarà fûr:
Il catalic de Mostre (in trê lenghis: furlan, talian, inglês)
Il n. 10 de riviste Segnâi di lûs (un numar speciâl dedicât ae Mostre)
Cun di plui Dree Venier al presentarà il so ultin libri di fumets Gnognowood
----------------
Per maggiori informazioni potete consultare il sito www.mostredalcine.org
ENTRATA LIBERA
Suns Sclesis di Europe
Mostre dal Cine
23 - 26 November 2011
Centro Espressioni Cinematografiche
Nessun commento:
Posta un commento