mercoledì 25 novembre 2015

"SUNS" EUROPE in FRIÛL - DAL 25 DI NOVEMBAR AL 12 DI DICEMBAR 2015

 

 
SUNS EUROPE
 
in FRIÛL
 
dal 25 di Novembar
al 12 di Dicembar
2015
 
 


SUNS European Festival of performing art in minority languages

CINE:  dal 25 al 28 di Novembar

LETERATURE: dal  3 al  7 di Dicembar

MUSICHE: dal 5 al 12 di Dicembar


Suns Europe al è un progjet metût adun cul jutori de ARLeF (Agjenzie Regjonâl pe Lenghe Furlane) e di Turismo FVG, cul coordenament de cooperative Informazione Friulana e cu la colaborazion dal CEC – Centro espressioni cinematografiche di Udine, des associazions Bottega Errante e Il Laboratorio, de cooperative Punto Zero, dal Comun di Udin e dal Teatri Gnûf ‘Giovanni da Udine’.
 
 

.......................................

Dal BLOG

LIDRÎS E BUTUI

https://lidrisebutui.wordpress.com/2015/11/19/lenghis-musichis-cine-e-leterature-al-rive-suns-europe/

 

Al è cui che si esalte, fintremai in dì di vuê, pal fat che Udin tal 1915 e jere la «capitale della guerra». A nô nus plâs di plui pensâ che tal 2015 Udin e il Friûl a sedin il centri de Europe «unide inte diversitât», intun contest di pâs, di promozion des culturis, des lenghis, de creativitât e dai dirits. Par chel nus fâs plasê savê e fâ savê che propit chel al è ce che al sucedarà dai 25 di Novembar ai 12 di Dicembar, cun Suns Europe, il prin e unic Festival european des arts performativis tes lenghis minoritariis.
 
La manifestazion si davuelzarà a Udin e intune serie di altris localitâts furlanis (Cividât, Sant Vît dal Tiliment, Rivignan, Cormons, Cjasarse e Manià), là che al vignarà presentât un campionari pardabon siôr de vitalitât culturâl e de pluralitât espressive des produzions cinematografichis, leterariis e musicâls contemporaniis fatis intes lenghis des minorancis linguistichis e des nazionalitâts di Europe, cun autôrs, cines, musiciscj e operadôrs che a vegnin di diviersis areis dal continent, dal Paîs Basc ae Carelie, de Corsiche ae Laponie, dal Friûl ae Galizie, de Ocitanie al Bashkortostan, dal Gales ai Grisons, de Bretagne ae Ladinie, dai Paîs Catalans ae Groenlande e ae Irlande.
 
Il festival – che al cjape il non de peraule furlane suns – al è articolât in trê sezions, che a tocjin la produzion cinematografiche e audiovisive, leterature e teatri e la musiche.
 
La scree di dut e je miercus ai 25 di Novembar, cu la viertidure de sezion cinematografiche. Suns Europe – Mostre dal Cine, manifestazion inmaneade dal CEC-Centri Espressions Cinematografichis, in cuatri dîs e proponarà une serie di proiezions di cines par basc, par catalan, par furlan, par ocitan, par cors, par galizian, par inuit, par breton e par galês, e ancje diviers incuintris cun autôrs, atôrs e regjiscj.
 
Suns Europe – Mostre dal Cine al sarà tignût a batisim de prime proiezion in assolût in Italie di Loreak, la pelicule basche candidade ai Oscar pal miôr cine forest, e di Capo e croce. La ragione dei pastori, documentari sart premiât intal 2014 al festival Cinemambiente di Turin.
 
Dai 3 ai 7 di Dicembar e sarà la volte di Suns Europe – Sunsûrs, la sezion dal festival dedicade a prose, poesie e teatri. Cinc zornadis intensis ae insegne di lenghis, peraulis, ideis, libris, storiis, autôrs, viaçs, sunôrs, siums, colôrs in diviersis sedis, no dome inte citât di Udin ma ancje a Cividât (Ud), a Flambruç di Rivignan (Ud), a Cormons (Gu), a Cjasarse (Pn) e a Sant Vît dal Tiliment (Pn). Si alternaran presentazions di libris, incuintris cui autôrs, leturis senichis, confronts poetics e trê spetacui.
 
Sabide ai 5 di Dicembar si vierç ancje la tierce sezion di Suns Europe, incentrade sul festival musicâl omonim, che al varà il so colm inte serade di vinars ai 11 di Dicembar li dal teatri ‘Giovanni da Udine’.

 Chê sere sul palc si esibiran une desene di grups e soliscj selezionâts tra i passe sessante candidâts, espression di vincjesiet comunitâts linguistichis di Europe, che a vevin rispuindût al bant internazionâl lançât tra Avost e Otubar dai organizadôrs de manifestazion.
 
Tra i dîs finaliscj il tercet folk rock dai Kasernarat, che a vegnin dal Paîs Basc, i irlandês Tuath, autôrs di un rock shoegaze cun influencis psichedelichis, la band crossover hip op breton dai Rhapsoldya, il duet pop de Frisie Marit & Nigel, la band galiziane dai Caxade, la trie sami Ozas, che al font pop, blues e cjant tradizionâl samis, e doi grups che a vegnin de federazion Russe: i Zaman, espression de comunitât linguistiche bashkir, e i Ilmu ce che a rivin de Carelie.
 
Cun di plui ancje i doi vincidôrs dal festival Suns Sardigna, la rassegne nassude tal 2009 in Friûl, che di chest an e je la semifinâl dal gnûf festival european, par ce che al tocje tal specific la Europe alpine e mediteranie
 
Ospit di onôr de serade al è Marco Brosolo, musicist furlan che di une desene di agns al vîf e al lavore a Berlin, dulà che al à fat, cu la colaborazion di Pierpaolo Capovilla (Teatro Degli Orrori), Bobby Solo, Dominique A, Robert Lippok e Barbara Morgenstern, Toni Kater e Rudi Moser degli Einstürzende Neubauten, l’album Cadremo Feroci, publicât di pôc de etichete britaniche Rought Trade.

Il disc al presente nûf composizions che a vistissin di musiche ancjetantis poesiis di Federico Tavan, l’innomenât poete furlan mancjât doi agns indaûr, riproponudis sei in lenghe origjinâl sei tradotis par talian, inglês, francês, todesc e gjaponese. Il CD al sarà presentât dentri de serade dai 11 di Dicembar a Udin cuntune performance speciâl, là che cun Brosolo a saran il rapper sart Alessio Mura e i furlans Dek Ill Ceesa e Davide Toffolo, e inte serade sucessive (sabide ai 12 di Dicembar) intun live li dal Teatri di Manià (Pn).
 
Il percors di svicinament al event dai 11 di Dicembar al sarà segnât di doi incuintris (Dulinvie e Musiche) in program a Udin ai 5 e ai 6 di Dicembar, dedicâts aes lidrîs de musiche popolâr furlane e aes sôs espressions contemporaniis plui resintis, cu la presentazion dal cuart volum de antologjie Suns, e di une serie di concierts in diviers ambients di Udin e intai studis di Radio Onde Furlane.
 
Ai 11 di Dicembar e sarà ancje une ocasion di confront a plui vôs sui temis de diversitât culturâl, dai dirits linguistics e dal rapuart tra identitât, creativitât e promozion dal teritori dentri de taule taronde internazionâl Friûl@Europe, organizade li de Universitât dal Friûl (oris 9.30) inte suaze dal Modul Jean Monnet MuMuCEI (Multilingualism, Multicultural Citizenship and European Integration).
 
Suns Europe al è un progjet metût adun cul jutori de ARLeF (Agjenzie Regjonâl pe Lenghe Furlane) e di Turismo FVG, cul coordenament de cooperative Informazione Friulana e cu la colaborazion dal CEC – Centro espressioni cinematografiche di Udine, des associazions Bottega Errante e Il Laboratorio, de cooperative Punto Zero, dal Comun di Udin e dal Teatri Gnûf ‘Giovanni da Udine’.
Dutis lis informazion su la manifestazion si cjatin achì: www.sunscontest.com.
 
...................................

 
 


3 commenti:

  1. Program une vore interessant e bielonon!

    Lait a prenotâ il biliet a nuie pe serade di musiche in teatri Zuan di Udin l'11 di Dicembar 2015!!!

    Compliments ai organizadôrs!

    RispondiElimina
  2. E intanto i giornalisti della "PICCOLA" stampa locale continuano a scrivere "PICCOLE Patrie"....

    Ma quando la finiranno i giornalisti "PICCOLI, PICCOLI", con la definizione assurda di "PICCOLE PATRIE"?

    RispondiElimina
  3. Cemût ise lade l'11 di Dicembar 2015 - serade finâl al teatri Zuan di Udin?

    Ca sot l'articul une vore biel publicât su il Messaggero Veneto
    ..............

    Da il Messaggero Veneto – 13 dicembre 2015

    TITOLO - Il pop d’autore di Me+Marie trionfa alla finale di “Suns”

    SOTTO-TITOLO - Tutto esaurito al Teatro Nuovo per la gara canora delle lingue minoritarie Alto livello musicale fra trip hop, folk obliquo, blues, punk e suggestioni esotiche

    di Anna Dazzan

    "UDINE. L’edizione più riuscita, l’edizione con più pubblico e, cosa non da poco, l’edizione con il più alto tasso qualitativo tra i partecipanti. La finale del concorso musicale di “Suns Europe”, in scena al Teatro Nuovo Giovanni da Udine, senza troppi giri di parole, è stata un vero successo. Teatrone riempito quasi in ogni ordine di posto, gruppi bravi, quando non bravissimi e anche molte risate: Suns è stato a tutti gli effetti un gigantesco e ben riuscito spot a favore delle lingue minoritarie, a testimonianza che il modo migliore per tenerle in vita è valorizzarle con progetti qualitativamente validi e coinvolgenti.

    Vincitori dell’edizione 2015 i bravissimi Me + Marie, che con il loro pop d’autore che miscela romancio e ladino, hanno l’indiscusso merito di essere totalmente calati nella contemporaneità delle melodie. Già, il segreto di questa manifestazione non è quello di ripescare dal fondo della tradizione popolare vecchi canti in lingua, ma quello di scovare in giro per l’Europa musicisti che usano la loro lingua madre, che sia il friulano o il galiziano, per dar vita alla loro arte e passione: la musica.

    La serata ha spaziato tra l'avvolgente trip hop degli Ilmu, il folk obliquo dei galiziani Caxade, il crossover hip hop dei bretoni Rhapsoldya, la fusione tra canto sami e blues delle Ozas, il folk punk dei baschi Kasernarat, le suggestioni esotiche della Baschiria degli Zaman, lo shoegaze rock degli irlandesi Tuath, l'intenso pop della coppia romancia-ladina Me+Marie, il raffinato cantautore friulano Loris Vescovo e il pop soul frisone di Marit & Nigel.

    A fare da guida al pubblico, la coppia formata dall'attore friulano Michele Polo e dalla cantante e attrice sarda Claudia Aru. Bravi, coinvolgenti e simpatici nel condurre con vivacità plurilingue una serata corsa via leggera tra le canzoni in gara e le incursioni di Radio Onde Furlane, anima di Suns, che ha trasmesso la diretta.

    A concludere lo spettacolo, prima dell’incoronazione dei vincitori, la performance di Marco Brosolo, originale musicista friulano che da una decina di anni vive e lavora a Berlino, che insieme alla sua band e con la complicità dei rappers  Alessio Mura e Dek Ill Ceesa, ha presentato alcuni brani del suo disco Cadremo Feroci, recentemente pubblicato dall'etichetta britannica Rought Trade, dedicato alle poesie di Federico Tavan.

    La finale di Suns, a riprova di quanto la cultura possa e debba essere sempre più spesso sinonimo di umanità, è stata seguito anche da una decina di richiedenti asilo attualmente a Udine, dei quali si occupa la associazione Ospiti In Arrivo, e da un gruppo di ragazzi che partecipano al progetto Stand by Me dell'associazione Krocus. Solidarietà e inclusione, dunque, hanno trovato dunque spazio in mezzo alle note che hanno parlato di angoli sperduti dell’Europa
    (tra gli altri, sul palco sono saliti anche due gruppi provenienti dalla federazione Russa: gli Zaman, espressione della comunità linguistica bashkir, e gli Ilmu che arrivano dalla Karelia, che hanno avuto il premio del pubblico).

    http://messaggeroveneto.gelocal.it/tempo-libero/2015/12/13/news/il-pop-d-autore-di-me-marie-trionfa-alla-finale-di-suns-1.12606970?ref=hfmvudes-1

    ..................

    RispondiElimina