Vençon
Fuartin Venezian
VINARS AI 5 DI AVOST
AES NÛF DI SERE
(21.00)
serade di leturis e di musiche
La Associazion 1511 e la Ostarie Leterarie Contecurte, adun cul Sportel intercomunâl pe lenghe furlane dal Glemonàs, Radio Onde Furlane, il Comun e la Pro Loco di Vençon.
a presentin
Un viaç jenfri storie e narative
su la Joibe Grasse dal 1511
Vinars ai 5 di Avost, a nûf di sere (21.00), alì dal fuartin venezian di Vençon si varà un gnûf apuntament cun “Contecurte 1511”.
La iniziative e viôt adun la Associazion 1511, la Ostarie leterarie Contecurte, Radio Onde Furlane, il Sportel intercomunâl pe lenghe furlane dal Glemonàs, il Comun e la Pro Loco di Vençon.
Ancje chest viaç "Contecurte 1511" e a cjatât acet intun sît pardabon inmagant, ven a dî il fuartin venezian di Vençon che nol è tant che al è stât restaurât.
Tal câs però che al ves di jessi brut timp l'apontament si tignarà ali dal palaç dal Comun di Vençon.
Il riviel dal 1511 al sarà inmò une volte il protagonist di une schirie di storiis metudis adun inte suaze dal progjet leterari di Contecurte. Chestis contis - daûr tradizion une e je simpri fate di pueste pe ocasion e leade al teritori là che si davuelç la iniziative - a saran proponudis intune cun tocs di cronichis dal '500, cun contis popolârs e cun fruçons di aprofondiment storic.
A compagnâ il public dilunc vie de serade a saran lis vôs di Raffaele Serafini, Checo Tam e Carli Pup.
Cun di plui, cheste volte, la serade e sarà ancje compagnade de musiche sunade di Marco Tomasin.
Par finî, un brindis par ducj sot des stelis
--------------
Nessun commento:
Posta un commento