La manifestazion dal 11 di Avrîl a Lucinis in ocasion de ricorence de "Fieste de Patrie dal Friûl" e je saltade fûr, che miôr di cussì no podeve là, sedi pal bon acet de popolazion , sedi pe presince des autoritâts dal pueste in particolâr chê dal President de Provincie di Gurize dot. Enrico Gherghetta , che nol jeri mai stât presint a cheste manifestazion, e al à sigurât che da chi indenant, la Provincie di Gurize e sarà simpri presint. Cheste declarazion e varà dât une vore di sodisfazion ai organizadôrs , fra chescj il President dal "Istitût Ladin Furlan pre Checo Placeran" e al President de Provincie di Udin on. Pieri Fontanin, che da agns a stan daûr a cheste manifestazion creade e volude propi da pre Checo Placerean.
A mi autonomist ma o pensi a ducj, la presince dal President de Provincie di Gurize, nus à viert il cûr; sperin che si puedi vierzi une gnove strade, che ancje la Provincie di Gurize e fasi in curt a part de "Comunitât des provinciis furlanis". Une Comunitât che a vûl unî il Friûl storic, ma ognidune cu la sô autonomie, ma unidis par jessi plui fuartis a domandâ ae Regjon e al Guvier centrâl, chês necessitâts che il Friûl al à bisugne par là indenant e dâ un grues aiût ae nestre economie. Esempli: un colegament stradâl di circolazion svelte, fra Gurize, Udin e Pordenon, dulà che miârs di utents ogni dì e pierdin oris e oris par rivâ a destinazion, ma soredut ai autotraspuartadôrs , dulà che il Friûl al à une fuarte presince che a varessin la dibisugne di scurtâ i timps dal percors par jessi cussì plui competitîfs. A saressin altris agregazions che lis trê Provinciis a podaressin realizâ, cualchidune: scovacis, energjiis alternativis, discors ecologjic, scuele, sigurece, aghis, insegnament dal furlan tes relativis variantis, e v. i. O pensi che ativant des sinergjiis fra dutis trê, lis provinciis furlanis, il Friûl al podarès fâ chel salt di cualitât che i covente par là fûr di cheste crisi, cjapant dentri ancjemò di plui la nestre Universitât dal Friûl, che za cu lis sedis distacadis di Gurize e Pordenon a podarès dâ ancjemò di plui , une fuarte colaborazion al mont produtîf furlan, Chest gno pinsîr e desideri di un Friûl unît, nol vûl dî, come che tancj a pensin, che o volin dividi la Regjon, ma cheste union des provinciis furlanis a varessin un fuart podê autonom e decisionâl viers Triest, che a podarà vê ancje je une sô autonomie pes sôs esigjencis, da la cuestion dal puart, a lis sôs infrastruturis e dut chel che jo covente par miorâsi. Duncje intune regjon unide, ma dividude tal gjestî il propi teritori, e se al va come che o sperin, cun la vignude dal federalisim, al podarès jessi, il moment just par realizâ chest sium de autonomie dai furlans. Une detule alpine a dîs:"duri al pezzo" e jo o zonti: "mai molâ".
Bepi Agostinis
Via dal Bon 117/a
33100 UDIN
tel. Fax 0432 282053
e mail – bepiag@intrefree.it
Cell. 3479733195
Nessun commento:
Posta un commento