lunedì 28 marzo 2011

“Fûcs su lis culinis” ai 2 di Avrîl a Murùs





--------

“Fûcs su lis culinis” ai 2 di Avrîl a Murùs
Riviei intal Friûl culinâr tra
storie, croniche, leterature e musiche

Inte suaze des iniziativis inmaneadis pe fieste de Patrie dal Friûl, sabide ai 2 di Avrîl a vot e mieze di sere (20.30) alì dal Auditorium comunâl “Riedo Puppo” di Murùs, si tignarà la anteprime di Fûcs su lis culinis. Storiis di riviel tal Friûl culinâr.
Si trate di une serade che si propon di contâ – dilunc di un troi a cjaval tra storie, croniche, leterature e musiche – la vicende di trê rivoltis furlanis: la insurezion popolâr de Joibe Grasse dal 1511 che propite tal 2011 a colin i cinccent agns; i disordins dal 1841 a S. Denêl cuintri de privatizazion des comugnis; e il riviel di Sarsêt dal 1867 cuintri de “vuardie nazionâl”. Une ocasion par tornâ a scuvierzi trê moments de nestre storie dismenteâts o pôc cognossûts, che a mostrin une muse dai furlans lontane dai stereotips doprâts dispès par descriviju.
Dilunc vie de serade i atôrs Daniela Zorzini e Daniele Copetti a proponaran la leture seniche di tocs gjavâts fûr di cronichis e documents di chei agns, ma ancje di oparis leterariis dedicadis propite a chei episodis scritis di doi dai autôrs in lenghe furlane plui impuartants dal Nûfcent, Alviero Negro e Riedo Puppo. La ricostruzion storiche des trê rivoltis e sarà curade invezit di Carli Pup che al è autôr di diviers studis sul argoment. A compagnâ leturis e intervents storics a saran i musiciscj dal “Vididule Project” che a proponaran un repertori di musichis tradizionâls e tocs componûts di pueste pal spetacul.
La iniziative e nas de colaborazion tra il Comun di Murùs, la Associazion 1511, la cooperative Serling, la associazion “El Tomât” e il grup musicâl “Vididule Project” e si insuaze inte schirie di apontaments che la Aministrazion di Murùs e dediche ai cinccent agns dal riviel de Joibe Grasse e ta chei che la Associazion 1511 e je daûr a svilupâ sul teritori (altris informazions si pues cjatâlis su: associazion1511.blogspot.com ). Fûcs su lis culinis” al sarà po replicât ai 9 di Avrîl a Vildivar.

---------------


“Fûcs su lis culinis” il 2 aprile a Moruzzo
Rivolte nel Friuli collinare a cavallo
tra storia, cronaca, letteratura e musica

Nell’ambito delle iniziative organizzate in occasione della festa della Patria del Friuli, sabato 2 aprile alle ore 20.30 presso l’Auditorium comunale “Riedo Puppo” di Moruzzo, si terrà l’anteprima diFûcs su lis culinis. Storiis di riviel tal Friûl culinâr.
Si tratta di una serata che intende riproporre – in un percorso a cavallo tra storia, cronaca, letteratura e musica – la vicenda di tre rivolte friulane: l’insurrezione popolare della Joibe Grasse del 1511 di cui quest’anno ricorre il cinquecentenario; i disordini del 1841 a San Daniele del Friuli contro la privatizzazione dei beni comunali; e la rivolta di Ceresetto del 1867 contro la “guardia nazionale”. Un’occasione per riscoprire tre episodi di storia poco conosciuti, che offrono una visione dei friulani lontana dagli stereotipi utilizzati spesso per descriverli.
Durante la serata gli attori Daniela Zorzini e Daniele Copetti proporranno la lettura scenica di brani tratti da cronache e documenti contemporanei ai fatti, ma anche da opere letterarie scritte da due degli autori in lingua friulana più importanti del Novecento, Alviero Negro e Riedo Puppo, e dedicate proprio a tali vicende. La ricostruzione storica delle tre rivolte sarà invece affidata a Carlo Puppo, autore di diversi studi sull’argomento. Ad accompagnare letture ed interventi storici saranno i musicisti del “Vididule Project” che proporranno un repertorio di musiche tradizionali e brani da loro composti per l’occasione.
L’iniziativa è frutto della collaborazione tra il Comune di Moruzzo, l’Associazion 1511, la cooperativa Serling, l’associazione “El Tomât” di Buja e il gruppo musicale “Vididule Project” e si inserisce nel ciclo di appuntamenti che il Comune di Moruzzo sta dedicando al cinquecentenario della rivolta della Joibe Grasse e che l’Associazion 1511 sta sviluppando sul territorio (ulteriori informazioni si possono trovare su: associazion1511.blogspot.com ). Fûcs su lis culinis” sarà poi replicato il 9 aprile a Varmo.


Nessun commento:

Posta un commento