Messaggero Veneto — 07 settembre 2010 pagina 09 sezione: SPECIALI
di LUCIO PERESSI
La Societât Filologjiche Furlane, par davuelzi i siei compits istituzionâi intal mût plui produtîf, no veve in passât une largje disponibilitât economiche, stant che par sigûr no bastavin lis cuotis dai associâts e i limitâts contribûts dai Ents aministratîfs locâi (il Stât al dave alc cul intindiment di «difendere l’italianità nelle regioni di confine»). Cussì massime fin de istituzion de Regjon Autonome. Si che duncje la Societât si è cjatade te necessitât no dome di ridusi i programs prontâts, ma tai prins agns Sessante di cedi parfin une part dal patrimoni librari (fale lis publicazions sociâls) par dâ atuazion ai siei impegns plui urgjents. Si sintì alore un grant vueit, che si procurà di jemplâ un pôc par volte cu lis donazions, i scambis e lis gnovis acuisizions. Il patrimoni cumò al è deventât di grant rilêf stant che al risulte insiorât di plui di 17.000 tescj e di ricueltis di periodics di caratar locâl e di caratar sientific; cun di plui al è disponibil un servizi di consultazion e di prestit. Di resint, cui che al scrîf, rindintsi cont de impuartance di insiorâ chest patrimoni documentari – che al è un patrimoni ancje dal Friûl – al à regalât cualchi sezion de sô biblioteche furlane cun colezions di periodics furlans, si ben che no dal dut completis.
Dôs di chês ricueltis, La Patrie dal Friûl des primis anadis e Il Friuli dai agns 1955-1959, a rapresentin la rispueste ae domande di tancj associâts tal timp: chê di disponi no dome di rivistis, ma ancje di une publicazion di periodicitât plui fisse, che e rapresentàs plui aspiets di atualitât. I doi periodics nomenâts a àn rispuindût par cualchi timp a cheste dibisugne, si ben in maniere no continuative. La Societât e bramarès di completâ lis dôs colezions no nome par documentâ miôr il cuadri culturâl complessîf dai agns passâts, ma ancje par un sens di rispiet e di ricognossince viers i redatôrs e i colaboradôrs dai periodics sorenomenâts, che a son stâts impuartants colaboradôrs des publicazions de Societât Filologjiche Furlane. Baste pensâ ai doi animadôrs fondamentâi de prime Patrie dal Friûl , ven a stâi a pre Josef Marchet e Lelo Cjanton, e po ai tancj redatôrs di Il Friuli – de conduzion di Leone Comini – in diviers cjamps culturâi. A mertin ricuardâts almancul: pai articui di politiche autonomistiche Tiziano Tessitori e Gianfranco D’Aronco; pe leterature furlane Novella Cantarutti, Alan Brusin, Lelo Cjanton, Maria Gioitti del Monaco, Nadia Pauluzzo, Dino Virgili; pe linguistiche Giovanni Battista Corgnali e pre Josef Marchet; pe storie Guglielmo Biasutti, Mario Brozzi, Antonio Faleschini, Gaetano Perusini; pe storie de art Licio Damiani, Carlo Mutinelli, Aldo Rizzi. No si puedin dismenteâ altris innomenâts colaboradôrs – come Chino Ermacora e Arturo Manzano – che a àn inricjît, dongje dai sorenomenâts, la Scuola d’Atene nostrane, dal panorame culturâl dal Friûl te seconde metât dal secul di pôc passât. Partant, cui che al pues, che al dedi une man par jemplâ chei vueits bibliografics!
La Societât Filologjiche Furlane, par davuelzi i siei compits istituzionâi intal mût plui produtîf, no veve in passât une largje disponibilitât economiche, stant che par sigûr no bastavin lis cuotis dai associâts e i limitâts contribûts dai Ents aministratîfs locâi (il Stât al dave alc cul intindiment di «difendere l’italianità nelle regioni di confine»). Cussì massime fin de istituzion de Regjon Autonome. Si che duncje la Societât si è cjatade te necessitât no dome di ridusi i programs prontâts, ma tai prins agns Sessante di cedi parfin une part dal patrimoni librari (fale lis publicazions sociâls) par dâ atuazion ai siei impegns plui urgjents. Si sintì alore un grant vueit, che si procurà di jemplâ un pôc par volte cu lis donazions, i scambis e lis gnovis acuisizions. Il patrimoni cumò al è deventât di grant rilêf stant che al risulte insiorât di plui di 17.000 tescj e di ricueltis di periodics di caratar locâl e di caratar sientific; cun di plui al è disponibil un servizi di consultazion e di prestit. Di resint, cui che al scrîf, rindintsi cont de impuartance di insiorâ chest patrimoni documentari – che al è un patrimoni ancje dal Friûl – al à regalât cualchi sezion de sô biblioteche furlane cun colezions di periodics furlans, si ben che no dal dut completis.
Dôs di chês ricueltis, La Patrie dal Friûl des primis anadis e Il Friuli dai agns 1955-1959, a rapresentin la rispueste ae domande di tancj associâts tal timp: chê di disponi no dome di rivistis, ma ancje di une publicazion di periodicitât plui fisse, che e rapresentàs plui aspiets di atualitât. I doi periodics nomenâts a àn rispuindût par cualchi timp a cheste dibisugne, si ben in maniere no continuative. La Societât e bramarès di completâ lis dôs colezions no nome par documentâ miôr il cuadri culturâl complessîf dai agns passâts, ma ancje par un sens di rispiet e di ricognossince viers i redatôrs e i colaboradôrs dai periodics sorenomenâts, che a son stâts impuartants colaboradôrs des publicazions de Societât Filologjiche Furlane. Baste pensâ ai doi animadôrs fondamentâi de prime Patrie dal Friûl , ven a stâi a pre Josef Marchet e Lelo Cjanton, e po ai tancj redatôrs di Il Friuli – de conduzion di Leone Comini – in diviers cjamps culturâi. A mertin ricuardâts almancul: pai articui di politiche autonomistiche Tiziano Tessitori e Gianfranco D’Aronco; pe leterature furlane Novella Cantarutti, Alan Brusin, Lelo Cjanton, Maria Gioitti del Monaco, Nadia Pauluzzo, Dino Virgili; pe linguistiche Giovanni Battista Corgnali e pre Josef Marchet; pe storie Guglielmo Biasutti, Mario Brozzi, Antonio Faleschini, Gaetano Perusini; pe storie de art Licio Damiani, Carlo Mutinelli, Aldo Rizzi. No si puedin dismenteâ altris innomenâts colaboradôrs – come Chino Ermacora e Arturo Manzano – che a àn inricjît, dongje dai sorenomenâts, la Scuola d’Atene nostrane, dal panorame culturâl dal Friûl te seconde metât dal secul di pôc passât. Partant, cui che al pues, che al dedi une man par jemplâ chei vueits bibliografics!
Nessun commento:
Posta un commento