Comun di Tavagnà: "CEMÛT SI SCRIVIAL? CEMÛT SI VOLTIAL?" - Cors di lenghe furlane finalizât ae traduzion

Comun di Tavagnà (Ud)

CEMÛT SI SCRIVIAL?

CEMÛT SI VOLTIAL?

Cors di lenghe furlane

finalizât ae traduzion


http://www.comune.tavagnacco.ud.it/file/sportel-pe-lenghe-furlane/Cors_lenghe_furlane_traduzion_2014.pdf

Il sportel linguistic dal Comun di Tavagnà al è daûr a organizâ un cors di lenghe furlane di nivel base par imparâ a doprâ la lenghe scrite e a voltâ un test curt par furlan.

Al durarà 20 oris dividudis in 10 lezions, une volte par setemane (pal solit di Lunis), tignudis di docents de Serling (Alessandro Carrozzo), societât cooperative costituide dal 2001 par furnî servizis linguistics professionâi in lenghe furlane (www.serling.org).

Obietîfs dal cors a saran:

cognossi la storie de lenghe e des sôs varietâts; rinfuarcî lis abilitâts di produzion orâl cun ricercje e confront lessicâl; meti a fûc lis cognossincis de grafie uficiâl, des struturis gramaticâls, sintatichis e lessicâls de lenghe furlane; furnî e potenziâ lis abilitâts di comprension e produzion scrite cun leturis e traduzions. Il fîl dal discors li che si insuazin i obietîfs al sarà simpri la traduzion.

I students a àn di vê almancul une buine cognossince passive de lenghe furlane.

Il cors al è CENCE SPESE.

SALE:

ex sale consiliâr dal Comun di Tavagnà in Place de Indipendence, 1 a Felet (jentrade vecje dal Comun).

CALENDARI DES LEZIONS	ORARIS
Lunis 28.04; 05.05; 12.05; 26.05;26.05; Martars 03.06 (di concuardâ);     Lunis 09.06; 16.06;23.06     Martars 24.06 (di concuardâ)     ORARIS des 6.00 aes 8.00 di sere Par informazions e iscrizions clamait il Sportel de Lenghe Furlane dal Comun di Tavagnà  o la biblioteche comunâl mail: lenghe.furlane@comune.tavagnacco.ud.it